Ի՞նչ է էլեկտրամոբիլը
էլեկտրական ավտոմեքենան (Battery Electirc Vehicle, BEV) տրանսպորտային միջոցի տեսակ է, որը խոսակցական լեզվում ավելի հաճախ անվանում ենք էլեկտրամոբիլ: Այս տրանսպորտային միջոցը չունի ներքին այրման շարժիչ (ՆԱՇ): BEV էլեկտրամոբիլի շարժումն ապահովվում է միայն էլեկտրաէներգիայով։ Հենց այս տիպի ավտոմեքենաներին է պատկանում Audi e-tron-ը։
-
Էլեկտրամոբիլների ուրիշ ի՞նչ տեսակներ գոյություն ունեն:
Էլեկտրամոբիլների թվին են դասում նաև տրանսպորտային միջոցների այլ տարատեսակներ: Մասնավորապես՝ հիբրիդային ավտոմեքենան (HEV, Hybrid Electric Vehicle), որը հագեցած է ներքին այրման շարժիչով, ինչպես նաև ոչ մեծ մարտկոցով, որը լիցքավորվում է շարժիչի աշխատանքային պրոցեսի ընթացքում և ռեկուպերատիվ արգելակման ժամանակ։ Այդպիսի ավտոմեքենան ամբողջապես էլեկտրական ռեժիմում ունի ոչ մեծ ընթացքի պաշար, և մարտկոցը ցանցից առավելապես չի լիցքավորվում: Նույն կերպ էլեկտրաէներգիան շարժման մեջ է դնում ցանցից վերալիցքավորման հնարավորությամբ հիբրիդային էլեկտրամոբիլը (PHEV, Plug-in Hybrid Electric Vehicle)։ Այն կարելի է լիցքավորել արտաքին էներգիայի աղբյուրից։ PHEV-ը սովորաբար հագեցված է ավելի մեծ ունակությամբ մարտկոցով և ունի ավելի մեծ ընթացքի պաշար, քան HEV-ը: Նրանց հիմնական տարբերությունը BEV-ներից այն է, որ այս տրանսպորտային միջոցների վրա միաժամանակ տեղադրված են ներքին այրման շարժիչներ և էլեկտրական շարժիչներ: -
Ինչո՞վ է շարժման մեջ դրվում էլեկտրամոբիլը:
Աշխատանքում ներգրավված է էլեկտրական շարժիչը (այն կարող է լինել երկու և ավելի) և քարշային մարտկոցը: Էլեկտրական շարժիչը տեղադրված է ավտոմեքենայի սռնիների վրա և կարող է գործի ընկնել առանց մեխանիկական փոխանցումատուփի և կցորդման, այնպես որ առավելագույն ոլորող մոմենտը հասանելի է շարժման առաջին իսկ վայրկյանից:
Էլեկտրամոբիլների առավելությունները
-
Խնայողականություն
Լիցքավորման ավելի պակաս արժեք, տեխնիկական սպասարկման ավելի ցածր ծախսեր՝ ներքին այրման շարժիչներով ավտոմեքենաների համեմատ: -
Լիցքավորման լայն հնարավորություններ
Կարելի է լիցքավորել ամենուր, որտեղ կա էլեկտրական հոսանքի վարդակ: -
Սկզբունքորեն նոր զգացողություններ ավտոմեքենայի վարումից
Ակնթարթային, սրընթաց թափառք, ավտոմեքենայի կառավարում «մեկ ոտնակով», ծանրության ցածր կենտրոն, լռություն սրահում, շրջակա միջավայրի պաշտպանության և պահպանման գործում ներգրավված լինելու գիտակցում: -
Էկոլոգիականությունь
Վնասակար արտանետումների լիակատար բացակայություն և առաջացրած աղմուկի ցածր մակարդակ՝ ներքին այրման շարժիչով ավտոմեքենաների համեմատ: -
Նորարարական տեխնոլոգիաներ
Հետևի տեսարանի վիրտուալ հայելիներ, ավտոպիլոտային տեխնոլոգիաներ, հարդարման նոր նյութեր և ծառայություններ։ -
Հուսալիություն
Ավելի քիչ մասեր՝ նշանակում է ավելի քիչ խոցելի հանգույցներ և ագրեգատներ:
Շարժիչ և մարտկոցներ
Ինչո՞վ է չափվում էլեկտրամոբիլի մարտկոցի ունակությունը:
Ցանկացած էլեկտրամոբիլի մարտկոցի ունակությունը չափվում է կիլովատտ/ժամով (կՎտժ): Օրինակ, Audi e-tron 55 quattro-ի համապատասխան ցուցանիշը հավասար է 95 կՎտժ: Այսինքն՝ այս մարտկոցն ունակ է մեկ ժամվա ընթացքում ապահովելու 95 կՎտ կամ գրեթե հարյուր ժամ՝ 1 կՎտ հզորություն։
Ինչպե՞ս լիցքավորել էլեկտրական մեքենան:
Էլեկտրական մեքենայի լիցքավորումը շատ հեշտ է։просто.
-
Լիցքավորում տանը կամ աշխատավայրում
• Ստանդարտ կենցաղային վարդակ
• Եռաֆազ արդյունաբերական վարդակ -
Լիցքավորման կայաններ հանրային վայրերում
• Type 2 դանդաղ լիցքավորում
• Type 2 դանդաղ լիցքավորում
Ինչպե՞ս հաշվել էլեկտրամոբիլի լիցքավորման ժամանակը։
Որպես օրինակ վերցրեք 95 կՎտ/ժ հզորությամբ մարտկոցը։ Այն լրիվ լիցքավորելու համար անհրաժեշտ է մեկ ժամվա ընթացքում մատակարարել 95 կՎտ հզորություն, հինգ ժամ լիցքավորելու համար՝ 19 կՎտ։ Լիցքավորող սարքի առավելագույն հզորությունը կարելի է հաշվել հետևյալ բանաձևով․ վոլտ × ամպեր = վատտ
- 46 ժամ 42 րոպե - ստանդարտ կենցաղային վարդակից
- 8 ժամ 54 րոպե - 11 կՎտ հզորությամբ եռաֆազ արդյունաբերական վարդակից
- 4 ժամ 30 րոպե - Type 2 տիպի 22 կՎտ հզորությամբ փոփոխական հոսանքով լիցքավորման կայանից*
- 1 ժամ 45 րոպե - CCS տիպի 50 կՎտ հզորությամբ հաստատուն հոսանքով լիցքավորման կայանից
- 48 րոպե - CCS տիպի 150 կՎտ հզորությամբ հաստատուն հոսանքով լիցքավորման կայանից
Իրականում լիցքավորման արագությունը տարբերվել, բայց ընդհանուր առմամբ լիցքավորման ժամանակը հաշվարկվում է հետևյալ բանաձևով. մարտկոցի ունակությունը (կՎտժ) / լիցքավորման սարքի հզորությունը (կՎտ) = լիցքավորման ժամանակ (ժ):
**Հասանելի է միայն 2021 թվականի մոդելային տարվա մեքենաների համար:
Ի՞նչ է անհրաժեշտ լիցքավորման համար
Տանը կամ աշխատավայրում
-
Տնային վարդակ
Audi e-tron-ը կարելի է լիցքավորել նաև տնային վարդակից։ Դրա համար դուք կարող եք պարզապես օգտագործել մատակարարման կոմպլեկտացիայի մեջ մտնող սնուցման մալուխը՝ իր խրոցակի միջոցով միացնելով ձեր տան վարդակին: Այլ երկրներ ուղևորությունների համար ձեզ կարող են պետք լինել էլեկտրական հոսանքի ցանցին միացվող այլ տեսակի խրոցակներ, որոնք կարելի է ձեռք բերել ձեր գործընկերոջից՝ Audi-ից: -
Արդյունաբերական վարդակ
Ավելի արագ լիցքավորեք ձեր Audi e-tron-ը տանը կամ բիզնես կենտրոնում՝ օգտվելով արդյունաբերական վարդակից: Դրա համար կարող եք օգտագործել e-tron-ի ստանդարտ սարքավորումը: Լիցքավորման սարքավորումը ներառում է 5-կոնտակտային CEE շտեկեր (եվրո հարակցիչ): Կարելի է նաև առանձին գնել լրացուցիչ հոսանքի շտեկերներ (որպես ընտրանք առաջարկվում է ձեր գործընկեր Audi e-tron կողմից): -
Լիցքավորման համակարգ e-tron compact
Լիցքավորման համակարգը բաղկացած է կառավարման բլոկից, որը ներառում է մեքենային միանալու մալուխ (երկարությունը 4,5 մ, Type 2 շտեկեր, տեղադրված է ստացիոնար), ինչպես նաև ցանցին միանալու երկու մալուխ՝ մեկը կենցաղային վարդակին միանալու խրոցակով, ևս մեկը՝ արդյունաբերական խրոցակով։ Օգտագործելով այս սարքավորումը՝ դուք կկարողանաք լիցքավորել ձեր Audi e-tron-ը մոտավորապես 8 ժամ 50 րոպեում՝ 11 կՎտ առավելագույն լիցքավորման հզորությամբ արդյունաբերական վարդակին միանալու պարագայում, ասենք՝ գիշերվա ընթացքում:
Ճանապարհին
Լիցքավորման մալուխի Mode 3
Mode 3 լիցքավորման մալուխի միջոցով, որը ներառված է լիցքավորման սարքավորման կոմպլեկտացիայում, դուք կկարողանաք օգտվել հանրային վայրերում տեղակայված փոփոխական հոսանքով (АС) լիցքավորման բազմաթիվ կայաններից:
e-tron լիցքավորման սարքավորումը ներառված է ստանդարտ կոմպլեկտացիայի մեջ:
Լիցքավորելը շատ հեշտ է
Ինչպե՞ս հասկանամ, որ կարող եմ առանց որևէ խնդրի մեքենան լիցքավորել տանը:
-
Audi-ի շարժունության ստուգում
Կարևոր է հատուկ ուշադրություն դարձնել հետևյալ կետերին.
• որոշեք մեքենայի կայանման և լիցքավորման վայրը, լիցքավորման եղանակը,
• որոշեք ձեր կայանատեղիում էլեկտրաէներգիայի աղբյուրը, ներառյալ՝ էլեկտրական ցանցի հզորությունը մեծացնելու հնարավորությունը: -
Տնային էլեկտրական ցանցի ստուգում
Անհրաժեշտության դեպքում, ձեր Audi-ի դիլերը կարող է օգնել ձեզ՝ ստանալու «Home-Check» ծառայությունը (լրացուցիչ արժեքով)՝ ձեր տան էլեկտրական ցանցը մասնագիտորեն փորձարկելու համար: Դա նշանակում է.
• հնարավոր լիցքավորման տարբերակների որոնում և վերլուծություն
• լիցքավորիչի լավագույն կոնֆիգուրացիայի ընտրություն,
• անհրաժեշտության դեպքում ծախսերի նախահաշվի կազմում՝ ձեր տնային էլեկտրացանցի ենթակառուցվածքի օպտիմալացման համար: -
Էլեկտրասարքավորումների տեղադրման և միացման ծառայություններ
Եթե պրոֆեսիոնալ էլեկտրիկն առաջարկի փոփոխություններ կատարել ձեր էլեկտրական սարքավորումներում՝ էլեկտրասարքավորումների տեղակայման ծառայությունը կօգնի ձեզ.
• կատարելու պատվեր՝ ծախսերի նախահաշվին համապատասխան,
• տեղադրելու արդյունաբերական վարդակ՝ առավելագույն լիցքավորման հզորության հասնելու համար,
• տեղադրելու Clip տիպի պատի ամրակ (ընտրանքային):
Արժեք և հարմարավետություն
Օգտագործումը ձմեռային պայմաններում
Ժամանակակից էլեկտրամոբիլները, ինչպիսին օրինակ Audi e-tron-նն է, մի շարք փորձարկումներ են անցնում շահագործման խիստ պայմաններում և ունեն ջերմային կառավարման արդյունավետ համակարգ: Այն ապահովում է մարտկոցի ջերմաստիճանի օպտիմալ աշխատանքային միջակայքը 25-ից 35°C ցանկացած եղանակային պայմանի դեպքում:
Ինքնավար օդորակման համակարգը հարմարավետ պայմաններ է ստեղծում սրահում՝ զովացնելով կամ տաքացնելով այն ճամփորդության մեկնարկից առաջ: Ֆունկցիան կարելի է ծրագրավորել MMI համակարգի միջոցով:
Ցածր բացասական ջերմաստիճանների դեպքում խորհուրդ է տրվում.
- Ավտոմեքենան պարբերաբար միացնել էլեկտրական հոսանքի ցանցին՝ նույնիսկ լիցքավորման բարձր մակարդակի պարագայում:
- Մեքենան պահել տաքացվող ավտոտնակում։
- Օգտագործել էներգախնայողության ռեժիմը և ռեկուպերացիան:
Հարմարավետություն և անվտանգություն
-
Արդյոք անվտա՞նգ են էլեկտրամոբիլները։
Այո՛։ Էլեկտրամոբիլները ստեղծվել, նախագծվել և փորձարկվել են ներկայիս անվտանգության բոլոր չափանիշներին համապատասխան և նույնիսկ գերազանցում են դրանք շատ առումներով: -
Որքա՞ն ժամանակ կարող է աշխատել էլեկտրամոբիլը՝ առանց վերալիցքավորման:
Էլեկտրամոբիլները կարելի է չլիցքավորել երկար ժամանակ՝ առանց մարտկոցին զգալի վնաս պատճառելու, սակայն ամիսը գեթ մեկ անգամ ցանցին միացնելն օպտիմալ է: -
Արդյոք մալուխը չե՞ն գողանա հասարակական վայրերում օգտագործելու դեպքում:
Ո՛չ։ Մալուխը ապահով կերպով արգելափակվում է ավտոմեքենայի լիցքավորման միակցիչում և մնում այնտեղ՝ մինչև վարորդը կապաարգելափակի այն: -
Արդյոք կարելի՞ է օգտվել ավտոլվացման ծառայություններից:
Այո՛։ Ձեռքով կամ ավտոմատ լվացումը ոչ մի վնաս չի պատճառի էլեկտրամոբիլին: Դա անվտանգ է վարորդի, ուղևորների և ավտոլվացման աշխատակիցների համար։ Էլեկտրամոբիլները նախագծված և փորձարկված են նույն ստանդարտներով, ինչ և ներքին այրման շարժիչով մեքենաները, ներառյալ էլեկտրական անվտանգության ստանդարտները: -
Կարելի՞ է լիցքավորել էլեկտրամոբիլը անձրևի տակ։
Այո՛։ Դուք կարող եք դա անել առանց հոսանքահարման վտանգի ենթարկվելու:
Երաշխիք և սպասարկում
Երաշխիքը՝ 4 տարի
Audi e-tron-ի համար արտադրողի կողմից տրվում է 2 տարվա որակի երաշխիք, գումարած ևս 2 տարի կամ մինչև ավտոմեքենայի 120,000 կմ ընդհանուր վազքին հասնելը (կախված այն բանից, թե որը կլրանա առաջինը), ընդ որում՝ առաջին երկու տարվա ընթացքում վազքն անսահմանափակ է և հաշվի չի առնվում։ Արտադրողի կողմից բարձրավոլտ մարտկոցների երաշխիքը 8 տարի է կամ 160,000 կիլոմետր՝ կախված այն բանից, թե որն առաջինը կլրանա:
Տեխնիկական սպասարկում
Էլեկտրամոբիլները զգալիորեն ավելի քիչ տեխնիկական սպասարկում են պահանջում, քան ներքին այրման շարժիչներով ավտոմեքենաները: Սրանք կարիք չունեն ներքին այրման շարժիչի այնպիսի ավանդական սպասարկման, ինչպիսին է շահագործման հեղուկների (յուղ, անտիֆրիզ և այլն), ինչպես նաև սպառվող նյութերի ( յուղի և վառելիքի ֆիլտրեր, մոմեր, փոկային և շղթայական շարժաբերներ) կանոնավոր փոխումը: