Ատամնավոր փոկը միացնում է ծնկավոր ու բաշխիչ լիսեռները և ապահովում է ավտոմեքենայի շարժիչի կափույրի կանոնավոր բացումն ու փակումը: Ատամնավոր փոկի պատռվելու դեպքում կափույրներն ու մխոցները բախվում են իրար, ինչը կարող է վնասել գլանների բլոկի գլխիկը, իսկ վատագույն դեպքում՝ շարժիչը: Ատամնավոր փոկը պետք է համապատասխանի ամենաբարձր պահանջներին. այն ունի շատ կարևոր դեր շարժիչի աշխատանքում: Վարելու ընթացքում այն չպետք է երկարաձգվի, չնայած այն հանգամանքին, որ այդ ժամանակ այն անցնում է հեռավորություն, որը վեց անգամ մեծ է երկրագնդի շրջագծի երկարությունից:
Հակառակ դեպքում կխախտվի շարժիչի գազաբաշխիչ մեխանիզմի աշխատանքը, կավելանան վառելիքի ծախսի և վնասակար արտանետումների ծավալները: