Ալերգիայից տառապող մարդիկ կարող են հանգիստ շունչ քաշել, քանի որ սրահի օդի զտիչները հեռացնում են աղտոտվածությունը և վնասակար նյութերը նախքան նրանց ներթափանցումը ավտոմեքենայի մեջ: Սրա շնորհիվ բարձրանում է օդորակման համակարգի արդյունավետությունը: Կա սրահի զտիչների մի քան տեսակ՝ փոշու, հակաալերգիկ, ինչպես նաև ակտիվացված ածխով համակցված զտիչներ:
Զտիչը բաղկացած է երեք շերտից: Առաջինը կոշտ մաքրման շերտն է, որը նախատեսված է օդում պարունակվող մեծ մասնիկների զտման համար: Երկրորդը՝ միկրոթելքից: Այն հեռացնում է մանր մասնիկները, որոնք կարող են ներթափանցել թոքեր: Երրորդը՝ ակտիվացված ածխի շերտն է, որը գործում է մյուս երկուսից առանձնացված: Այն հեռացնում է տհաճ հոտերը:
Ինչքան մեծ է զտման տարրի մակերեսը, այնքան արդյունավետ է օդի մաքրումը: Այս հանգամանքը հաշվի առնելով՝ զտիչները պատրաստվում են ծալուքավորման հատուկ եղանակով: Կարևոր է նաև զտիչի բարձր դիմադրողականությունը բարձր/ցածր ջերմաստիճանների, խոնավության եւ քիմիական նյութերի նկատմամբ, ինչպիսիք են Ճանապարհային աղը, ռեագենտները եւ այլն: Այս ամենը երաշխավորում է շահագործման երկարաժամկետությունը: