Audi Q5 Sportback - կոմպլեկտացիա և գներ, նկարներ > Q5 > Audi-ին Հայաստանում
Audi Q5 Sportback
Յուրաքանչյուր ուղևորություն՝ իրեն ի ցույց դնելու միջոց
Audi Q5 Sportback մոդելի առաջադեմ և դինամիկ դիզայնը տպավորում է իր յուրօրինակ անհատականությամբ: Ավտոմեքենայի կերպարին է՛լ ավելի սպորտային շեշտադրում են հաղորդում ընտրանքային S line փաթեթում ներառված սարքավորումները:
Օրգանական լուսադիոդներով պատրաստված հետևի լույսերը ստեղծում են առանձնահատուկ լուսային ձեռագիր
Audi Q5 Sportback-ի` oրգանական լուսադիոդներով պատրաստված հետևի լամպերը (որպես ընտրանք) բաղկացած են ոչ մեծ ծավալով հատվածներից, որոնք կառավարվում են առանձին: Այդ հատվածների միացման արտահայտիչ հաջորդականությունը լուսավորության նոր սցենարներ ստեղծելու հնարավորություն է տվել։ Ավտոմեքենա պատվիրելիս կարելի է ընտրել հետևի լույսերի՝ տարբեր լուսային սցենարներ ներկայացնող երեք տարբերակներից մեկը: Բացի այդ, դրանց պատկերային բնույթն ավտոմատ կերպով փոխվում է ուղևորության ընթացքում՝ կախված՝ ընտրված վարման ռեժիմից։ Ընտրանքային հետևի լապտերները, որոնք աշխատում են նորարարական օրգանական լուսադիոդների տեխնոլոգիայով, ունեն մոտեցող օբյեկտի¹ հայտնաբերման գործառույթ: Երբ երթևեկության որևէ այլ մասնակից հայտնվում է անշարժ Audi Q5 Sportback-ի հետևում՝ 2 մ-ից պակաս հեռավորության վրա, օրգանական լուսադիոդներով պատրաստված բոլոր սեգմենտները ավտոմատ միանում են՝ շատ ավելի տեսանելի դարձնելով ավտոմեքենան: Ծանոթություն. Audi Q5 Sportback պատվիրելիս որպես ընտրանք առաջարկվում է հետևի լուսային պատկերի երեք տարբերակներից մեկը: Անիմացիոն տեսահոլովակը ցուցադրում է դինամիկ լուսային ուղեկցումը՝ հետևի լապտերների լուսային պատկերների առաջին տարբերակը պատվիրելու դեպքում։
Հրապուրիչ դինամիկա
Audi Q5 Sportback-ը երաշխավորում է սրընթաց, շատ դինամիկ արագացում և գերազանց կառավարելիություն: Մոդելի ստանդարտ սարքավորումները ներառում են quattro լիաքարշակ՝ ultra տեխնոլոգիայով, որը շարունակաբար վերլուծում է շարժման պայմանները և ձգման ուժը բաշխում առանցքների միջև։ Ի հաշիվ դրա՝ ապահովվում են կառավարման բարձր ճշգրտությունը և սպորտային վարման ոճը, որը բնորոշ է հետևի քարշակով ավտոմեքենաներին: Audi drive select համակարգը պատասխանատու է կառավարելիության և վարորդի անձնական նախասիրություններին ճշտորեն համապատասխանող վարման ոճի համար: Այն թույլ է տալիս ընտրել վարման տարբեր ռեժիմներ՝ առաջադրելով մեքենայի համակարգերի ցանկալի բնութագրերը: Նրա օգնությամբ դուք կարող եք մեծացնել հզորությունը, մեքենայի վարումը դարձնել ավելի հարմարավետ կամ սպորտային, ինչպես նաև ստեղծել ավտոմեքենայի համակարգերի աշխատանքային տարբեր պարամետրերի անհատական համադրություն:
Սրահ՝ նրբագեղություն և ֆունկցիոնալություն
Բարձր ճանապարհային լուսածերպը նպաստում է ճանապարհային իրավիճակի վստահ վերահսկմանը։ Տանիքի հորիզոնական գիծն ընդգծում է թափքի լայնությունը և բարձրացնում սրահի հարմարավետության մակարդակը: Դրվագված դեկորատիվ ներդիրն անցնում է ողջ ճակատային վահանակի երկայնքով:
