Audi A7 Sportback - մանրամասն նկարագիր > A7 > Audi-ին Հայաստանում
A7 Sportback
Չորս օղակ։ Մեկ հստակ ուրվագիծ
Audi A7 Sportback-ը սպորտայնության և էլեգանտության իսկական մարմնացում է՝ դասական quattro ոճի արտահայտիչ ներկայացում:
Ավտոմեքենայի վարման սպորտային ոճ
Մարման կարգավորվող բնութագրերով ընտրանքային կախոցը թույլ է տալիս միևնույն ավտոմեքենայում համատեղել անզիջում սպորտային կուպեի և բիզնես դասի նրբաճաշակ սեդանի որակները: 45 TDI շարժիչով մոդել պատվիրելու դեպքում quattro լիաքարշակը սպորտային դիֆերենցիալով երաշխավորում է դինամիկ, սպորտայնորեն ճշգրիտ կառավարում, ինչպես նաև գերազանց կայունություն գրեթե ցանկացած ճանապարհածածկույթի վրա:
Հեշտ կայանում
Եվս մեկ ընտրանք է հարմարավետ և հեշտ կայանումը ավտոմատ ռեժիմում, կարևոր չէ՝ այն զուգահեռ է, թե ուղղահայաց: Ձեր Audi A7 Sportback-ն ինքն է իրականացնում ղեկավարումը, շարժումը, արգելակումն ու շարժիչի անջատումը: Այն կշարժվի առաջ կամ հետ և նույնիսկ հետո դուրս կգա կայանատեղիից: Այս ամենը՝ շնորհիվ Parking plus կայանման ավտոպիլոտի հնարավորությունների, որը հասանելի է 55 TFSI և 45 TDI տարբերակների համար: 45 TFSI շարժիչով մոդելների համար որպես ընտրանք առաջարկվում է կայանման օգնական plus-ը՝ առջևի, կողային և հետևի կողմերից առկա արգելքների մասին ձայնային և տեսողական նախազգուշացումների հնարավորությամբ, ինչպես նաև 360 աստիճանի տեսադաշտով տեսախցիկներով:
Առանձնահատուկ մթնոլորտ
Մեքենայի սրահն անմիջապես ուշադրություն է գրավում։ Զգացվում է, որ մտածված է ամեն մի մանրուք, իսկ հարդարումն իրականացված է առանձնահատուկ, անբասիր խնամքով։ Ընտրանքային համայնապատկերային տանիքը ստեղծում է պայծառ, թեթև մթնոլորտ: Շոգ, արևոտ օրերին փակ շերտավարագույրը բացառում է լույսի թափանցումը և նվազեցնում սրահի տաքացումը:
1
Ուշադրություն. Համակարգերը գործում են միայն իրենց հնարավորության սահմաններում և օժանդակում են վարորդներին մեքենան վարելու ընթացքում: Ավտոմեքենան անվտանգ վարելու և ղեկին ուշադիր լինելու հարցերում ողջ պատասխանատվվությունը ընկնում է վարորդի վրա:
2
Audi exclusive համալրվման ընտրանքային տարբերակները ստեղծվել են Audi Sport GmbH համապատասխան բաժնի մասնագետների կողմից: Ստանդարտ և ընտրանքային համալրման տարբերակների մասին ավելի մանրամասն տեղեկատվություն ստանալու համար դիմեք ձեր Audi դիլերին: