Նոր Audi A6

Բիզնես դասի այս ավտոմեքենայի՝ փոխզիջումներ չունեցող բնույթը դրսևորվում է դիզայնի յուրաքանչյուր տարրում՝ զգացմունքայնորեն հագեցած մակերեսներում, սուր եզրագծերում և արտահայտիչ գծերում:

Audi A6-ը ցուցադրում է Audi-ի՝ նոր լեզվով արտահայտված դիզայնը:

Android օպերացիոն համակարգով աշխատող սմարթֆոնի օգնությամբ կարելի է բացել և փակել դռները, գործի գցել շարժիչը. ստանդարտ բանալիի այլընտրանք հանդիսացող Audi connect բանալին, որ հասանելի է որպես ընտրանք, հարմար է և հեշտ գործածվող:

Ուղեբեռի համար նախատեսված մասի կարճացված կափարիչն ավարտվում է կորացված եզրով, ինչը բարձրացնում է աերոդինամիկան և տեսողականորեն հղկված ուրվագիծ է ստեղծում:

Երկար կապոտ, երկար անվային բազա, կարճ ցվիքներ: Audi A6-ը շահեկանորեն տարբերվում է ներդաշնակ համամասնություններով և ընդգծված սպորտայնությամբ:

Դինամիկա՝ առանց փոխզիջումների: Անիվների վերևում գտնվող հզոր ելուստները հիշեցնում են Audi quattro առաջին մոդելների հետ ունեցած նմանության մասին:

Հարմարավետության, վստահության և անվտանգության անկրկնելի զգացողություն՝ ինչպես երկարատև ճանապարհորդությունների, այնպես էլ՝ կարճ ուղևորությունների ժամանակ. Audi A6-ում տեղակայված օգնական համակարգերը Պրեմիում դասի նոր ստանդարտներ են առաջադրում:

Լայն, ցածր տեղակայված Singleframe հովացուցիչի պաշտպանիչ ցանցը, հարթ լուսարձակները և օդառիչների տպավորիչ արտահայտված եզրագծերը խոսում են սպորտային բնույթի մասին:

Ավելի ընդարձակ տարածություն՝ ավելի մեծ հնարավորություններով: Նոր Audi A6-ը նախորդ մոդելից զգալիորեն ընդարձակ է: Համեմատած նախորդի հետ՝ ուղեբեռի բաժնի ծավալը մնացել է անփոփոխ՝ 530 լ, ըստ այդմ, նկատելիորեն մեծացվել է հետևի ուղևորների ոտքերի համար եղած տարածությունը

Audi A6-ի նորարարական համակարգերն անընդհատ տվյալներ են ստանում բազմաթիվ սենսորներից և վերլուծում ճանապարհային իրավիճակը: Կախված լրակազմից՝ ավտոմեքենան կարող է հագեցված լինել ռադարային սենսորներով և տասներկու ուլտրաձայնային տվիչներով, հինգ տեսախցիկներով և լազերային պատկերամուտով (սկաներ):

Ձգողություն առաջին հայացքից: Գրավիչ դիզայնի բաղադրիչներից են ընտրանքային HD Matrix լուսադիոդային լուսարձակները: Դրանք նաև բարձրացնում են արդյունավետությունը և չափազանց շահավետ են սպասարկման հարցում՝ շնորհիվ նորարարական տեխնոլոգիաների:

Դուռը բացելիս լուսադիոդային թույլ լուսավորումը ավտոմեքենայի կողքի ճանապարհածածկույթի վրա ցուցադրում է Audi-ի ֆիրմային նշանը՝ չորս օղակը: Այդ նորաոճ լուծումը ստեղծում է անկրկնելի արտաքին կերպար:

Audi design selection սրահի զարդարման փաթեթները ինտերիերի զարդարման համար ձեզ առաջարկում են հատուկ ընտրված նյութեր և գույներ:

MMI նավիգացիոն համակարգով կառավարելը դարձել է առավել հեշտ, քան երբևէ: Պարզապես խոսեք նրա հետ: Ընտրանքային լեզվական օգնականը ընկալում է ձեր խոսքը, պատասխանում է ձեզ և կատարում որոշակի հրամաններ: Ընդ որում նման շփման համար ստանդարտ նախադասությունների կիրառում և դրանց պահպանում չի պահանջվում: Ձայնային կառավարումը ազատություն է տալիս ձեզ և հնարավորություն ընձեռում կենտրոնանալու առավել կարևոր բաների վրա:

Սրահի զարդարման Audi design selection փաթեթներ, ինչը նշանակում է որակյալ նյութեր և բացառիկ իրականացում: Նկարում՝ մոխրագույն կեչու փայտից պատրաստված բարձրակարգ դեկորատիվ ներդիրները (agate grey), դռների դրվագումները և բաց դարչնագույն արմնկակալը (pearl beige):

Audi phone box ընտրանքային համակարգի օգնությամբ կարող եք ձեր սմարթֆոնը Bluetooth-ի միջոցով միացնել ավտոմեքենային և այն կառավարել ձայնի, MMI համակարգի կամ բազմաֆունկցիոնալ ղեկանվի օգնությամբ: Անլար լիցքավորումը հասանելի է նաև Qi հնարավորությամբ շարժական սարքի համար:

Բարձրակարգ կառավարման հայեցակարգ: Հատուկ Audi ավտոմեքենաների համար մշակված MMI touch response հայեցակարգը երաշխավորում է ինտուիտիվ հասկանալի կառավարում սմարթֆոնի անոլոգիայով. որոշակի գործառույթը կարելի է ակտիվացնել ոչ թե պարզապես էկրանին դիպչելով, այլ թեթևակիորեն սեղմելով դրա վրա:

Շատերն են երազում ճանապարհ ընկել՝ աշխարհը կրկին բացահայտելու համար: Audi-ն օգնում է իրականացնել այդ երազանքը:

Նոր Audi A6-ն իր մեջ միավորել է ճշգրտությունը՝ առանց փոխզիջումների, հարմարավետությունը՝ առանց պակասությունների և առաջադեմ տեխնիկական նվաճումները: