A5 Coupé > A5 > Audi-ին Հայաստանում
A5 Coupé

A5 Coupé

Նորաձևության անթերի օրենսդիր.
Audi A5 Coupé

Այս ավտոմեքենան ամենանրբագեղներից է ոչ միայն Audi-ի շարքում, այլ նաև շուկայում ներկայացված մոդելների հսկայական բազմազանության մեջ։ Նրբագեղ, միաժամանակ նաև խարիզմատիկ անթերի դիզայնը՝ սպորտային ուղղվածությամբ, երկդռնանի կուպեի միակ արժանիքը չէ։ Audi A5 Coupé-ն կառավարման համար դինամիկ է և հարմար։ Այն ունի ընդարձակ սրահ և տարողունակ՝ 465 լ ծավալով բեռնախցիկ, հզոր և խնայողական շարժիչներ, լեգենդար quattro լիաքարշակ համակարգ՝ ստանդարտ լրակազմում և բազմաթիվ բարձր տեխնոլոգիական ընտրանքներ՝ որպես լրացում, սկսած մատրիցային լուսադիոդային լուսարձակներից մինչև խցանումներում շարժման օգնականը։ Այս գերազանց կուպեի մեջ կարելի է նաև կյանքի կոչել անհատական ցանկություններ Audiexclusive ծրագրի միջոցով։

Ուժ՝ մարմնավորում ստացած եզրագծերում

Սպորտային, թեքված հետևի կանգնակներ, հզոր անվահեցեր: Նախորդ սերնդի մոդելներից ծանոթ ալիքաձև ուսագիծը դարձել է ավելի ծավալային և օգնում է ստեղծելու Audi A5 Coupé-ի հետաքրքիր կերպար:

Ավելին արտաքին տեսքի մասին

Բարձրագույն որակ՝ առանց փոխզիջման

Էրգոնոմիկ սպորտային նստատեղերից և «3 անվաճաղ» ու կտրված ներքին սեգմենտով դիզայներական լուծում ունեցող բազմաֆունկցիոնալ կաշեպատ ղեկից, որ առաջարկվում է S line ընտրանքային փաթեթի կազմում, մինչև ինտերիերում սեփական ցանկությունների իրագործման հնարավորություն. առավելագույն ուշադրություն է հատկացված անգամ ամենափոքր մանրուքներին:

Ավելին անհատական ինտերիեր ստեղծելու և Audi exclusive ծրագրի մասին

Ապագան՝ աչքերի առջև

Ամեն ինչ վերահսկվում է. նավիգատոր, տեղեկատվական-ժամանցային համակարգ և Audi Connect համալիր լուծումների ծառայություններ: Ընտրանքային Audi virtual cockpit սարքերի վիրտուալ վահանակը վարորդին անհրաժեշտ տեղեկատվությունը դուրս է բերում երկու տարբեր ռեժիմներում՝ սարքերի խոշոր կամ ոչ մեծ, կլոր սանդղակների վրա: Սարքերի վիրտուալ վահանակը կառավարելը չափազանց հեշտ է՝ բավական է սեղմել ղեկի վրա գտնվող կոճակը: Ըստ պատվերի հասանելի Audi smartphone interface սմաթֆոնների ինտեգրման ինտերֆեյսը թույլ է տալիս միացնել սմարթֆոնը Ձեր Audi ավտոմեքենային:

Ավելին տեղեկատվական-ժամանցային և օժանդակող համակարգերի մասին
Ավելին լրակազմերի և սարքավորման փաթեթների մասին

Պատրաստ է հաջորդ քայլին

Նոր Audi A5-ի սպորտային ձևը երևում է ցանկացած կետից. նոր թափքի կերպարում անվահեցերը ստացել են նույնպիսի նշանակություն, ինչպես և վառ արտահայտված ուսագիծը և հստակ հորիզոնական ուղիղներով՝ կարճ հետևի կախոցը: