A3 Sportback > A3 > Audi-ին Հայաստանում
 A3 Sportback

A3 Sportback

Բազմակողմանի և նորարարական
Audi A3 Sportback

Սպորտային և արտահայտիչ եզրագծերն առավել ազդու են դարձնում Audi A3 Sportback-ի կերպարը: Երկար անվային բազան և առջևի կարճ քիվն ընդգծում են հավասարակշռված, դինամիկ համամասնությունները: Վարորդին օգնող համակարգերի լայն հավաքածուով և ընտրանքային փաթեթներով համալրված Audi A3 Sportback-ը կատարյալ է քաղաքային ուղևորությունների համար, միաժամանակ՝ լավ նախապատրաստված նաև ինքնաբուխ ճանապարհորդություններին: Վարելու ժամանակ ստացած բավականությունը լրացնող և հարմարավետությունը բարձրացնող ևս մեկ մանրամասն է որպես ընտրանք հասանելի Audi virtual cockpit վիրտուալ սարքերի վահանակը:

Սպորտային բնույթ

Տանիքի դինամիկ եզրագիծն ընդգծում է Audi A3 Sportback-ի սպորտային բնույթը: Պատուհանների ստորին եզրի երկայնքով անցնող՝ արտահայտիչ «տորնադո» գիծը և դռան շեմի տակով եզերվող դինամիկ գիծը ստեղծում են հինգ դռնանի մոդելի հղկված և լակոնիկ ուրվագիծ: Հետևի մասում ուշադրություն են գրավում եռաչափ հետին լապտերները, թափքի հստակ ուրվագծվող եզրագծերը և դիֆուզորը: Պահպանելով իր եռանդուն բնույթը՝ S line selection ընտրանքային փաթեթով Audi A3 Sportback-ը ակնառու կերպով առանձնանում է ավտոմեքենային և նրա վարորդին հատուկ իր անհատականությամբ և շարժունակությամբ:

Լուսավորության առաջադեմ տեխնոլոգիաներ

Գիշեըը դարձրեք ցերեկ. ընտրանքային Audi Matrix LED լուսադիոդային լուսարձակները ապահվում են ճանապարհի պայծառ և հավասարաչափ լուսավորումը: Իր հնարավորության սահմաններում համակարգը հայտնաբերում է հանդիպակաց և իր առջևից շարժվող տրանսպորտային միջոցները և ստվերում համապատասխան հատվածները, ընդ որում ավտոմեքենաների միջև եղած ու նրանց հարող գոտիները մնում են լիովին լուսավորված: Լույսի արդյունավետ ադապտիվ բաշխումը ոչ միայն բարելավում է ճանապարհի լուսավորվածությունը, այլև ապահովում է լրացուցիչ անվտանգություն և հարմարավետություն: Բացի այդ, դարձի դինամիկ ցուցիչները, այդ թվում՝ թափքի հետնամասում, ուշադրությունը սևեռում են լուսավորության առաջադեմ տեխնոլոգիաների վրա:

Ավելին լուսավորման տեխնոլոգիայի մասին

Հիանալիորեն հավասարակշված և սպորտային

Audi A3 Sportback-ի ընթացային մասը տպավորում է իր սպորտայնությամբ. որպես ընտրանք հասանելի սպորտային կախոցը 15 մմ-ով նվազեցնում է թափքի բարձրությունը, իսկ S line սպորտային կախոցը կրճատում է ճանապարհի լուսաշերտը 25-մմ-ով: Ավտոմեքենան հագեցված է ղեկի կառավարման զգայուն և բարձր արդյունավետություն ունեցող էլեկտրամեխանիկական ուժեղացուցիչով: Փոփոխական փոխանցումային հարաբերակցությամբ և էլեկտրաուժեղացուցիչով ղեկային կառավարումը նույնպես ներառված է պատվիրվող սարքավորման ցանկում: Ավտոմեքենայի համար առաջարկվող բոլոր շարժիչներն ապահովում են շարժման դինամիկան և դրա հետ միաժամանակ՝ նաև բարձր արդյունավետությունը:

Հարմար և նորարարական

Audi A3 Sportback-ի ինտերիերի կենտրոնական տարրը Audi virtual cockpit վիրտուալ սարքերի վահանակն է: Ուղևորության ընթացքում լրացուցիչ հարմարավետություն են ստեղծում որպես ընտրանք հասանելի 3 ճաղանի տաքացվող ղեկանիվը, ինչպես նաև վարորդի՝ մերսման ընտրանքային գործառույթով նստատեղը: Տարատեսակ լրակազմերը լրացուցիչ հնարավորություններ են տրամադրում անհատական ոճ ստեղծելու համար. բազային հագեցվածությունից բացի առաջարկվում է ավտոմեքենայի դինամիկ կերպարն ընդգծող S line սպորտային փաթեթը:

Ամեն ինչ Ձեր վերահսկողության տակ է

Որպես լրացուցիչ ընտրանք Audi A3 Sportback-ի համար հասանելի է ամբողջապես թվային Audi virtual cockpit վիրտուալ սարքերի վահանակը, որը շարժման ժամանակ վարորդի տեսադաշտում պատկերում է ամբողջ անհրաժեշտ տեղեկատվությունը: Բարձր լուծաչափ ունեցող 12,3 մատնաչափ անկյունագծով էկրանով սարքավորումների վահանակը օժտված է էլ ավելի լայն հնարավորություններով: Audi A3 Sportback-ի համար որպես ընտրանք նաև առաջարկվում է խելացի տեխնոլոգիաների մի ամբողջ շարք, օրինակ՝ MMI touch հպազգայուն վահանակով և ինտուիտիվ հասկանալի ձայնային կառավարումով MMI Navigation plus լավագույն տեղեկատվական-ժամանցային համակարգը:

Ավելին կառավարման հայեցակարգի և տեղեկատվական-ժամանցային համակարգի մասին

Լրացուցիչ անվտանգություն

Audi A3 Sportback-ը քաղաքում և նրա սահմաններից դուրս վարելը ավելի անվտանգ է դարձել վարորդին օգնող տարատեսակ համակարգերի շնորհիվ. օրինակ՝ հետևից լայնակի շարժումը վերահսկող օգնականը կայանատեղիից դուրս գալիս Ձեզ նախազգուշացնում է բախման վտանգի մասին: Stop&Go գործառույթով ադապտիվ կրուիզ կոնտրոլի հետ համատեղ աշխատող՝ ընտրանքային շարժման օգնականը խցանումների պարագայում ապահովում է անվտանգության առավել բարձր մակարդակ՝ շնորհիվ մեքենաների միջև եղած հեռավորության ավտոմատ կերպով պահպանման:

Շքեղ և հարմարավետ

Նորարարական տեխնոլոգիաները և Audi A3 Sportback-ի բարձրորակ սարքավորումներն ապահովում են էլ ավելի մեծ հարմարավետություն յուրաքանչյուր ուղևորության ժամանակ: Ունենալով 4,24 մետր երկարություն և 2,6 մետր անվայբազա՝ Audi A3 Sportback-ը ցուցադրում է սպորտային և տպավորիչ բնույթ: Դուք կարող եք նաև շեշտադրումներ ավելացնել՝ ըստ Ձեր ճաշակի և ավտոմեքենան համապատասխանեցնել Ձեր ամենօրյա սովորույթներին:

A3 Sportback