«Հինգերորդ օղակ» - ն իրենից ներկայացնում է օդում ճախրող օղակ, որն առաջընթաց և էվոլյուցիա է խորհրդանշում: MAD Architects-ի դիզայներները և Audi-ն միավորել են հինգերորդ տարրի փիլիսոփայական հայեցակարգը Audi Aicon ավտոմեքենա-հայեցակարգին՝ դրա միջոցով միակցելով ապագա աշխարհի շարժունությանը և հեղափոխական դիզայնին: Audi Aicon-ի կողքին կոմպոզիցիայի գլխավոր տարր է դարձել Audi A6 սեդանը: Ինստալյացիայի շրջանակներում ներկայացված են նաև Audi A7 Sportback մոդելները:

«Պատմական շինության ներքին բակում՝ քառակուսու սահմաններում տեղավորված լուսավորվող օղակը խորհրդանշում է մարդկության՝ կատարելության հասնելու ձգտումը, - ասել է MAD Architects-ի հիմնադիր Մա Յանսունը (Ma Yansong): - Օղակը թևածում է ջրային հարթության վրա՝ արտացոլելով մշտապես փոփոխվող երկինքը: Դրա շնորհիվ դիտողների մեջ այնպիսի զգացողություն է առաջանում՝ ասես նրանք զբոսնում են ամպերի մեջ: » Audi Italy-ի բրենդ-մենեջեր Ֆաբրիցիո Լոնգոն (Fabrizio Longo) ավելացրել է. «Կատարելության այսպիսի փնտրտուքը նորարարության և բավարարված լինելու շարժիչ ուժն է. դրանց արդյունքում էլ Audi ավտոմեքենաները դառնում են այսպես առանձնահատուկ»:

MAD Architects-ը ֆուտուրիստական, բնակազմական և տեխնոլոգիապես բարդ դիզայներական լուծումներով զբաղվող միջազգային ճարտարապետական բյուրո է: Նկարիչներն առանձնակի ուշադրություն են հատկացնում բնության հետ միաձուլվելու արևելյան փիլիսոփայության արդի մեկնաբանությանը: Միլանում կայացած դիզայնի շաբաթը կարևորագույն իրադարձություն էր այն արդյունաբերության համար, որի հիմնական միջոցառումներն իրականացան Fuorisalone և Salonedel Mobile ցուցահանդեսների շրջանակներում: 2018 թվականի ապրիլի 17-ից 22-ը Միլանում կայացած այս միջոցառման այցելուների թիվն ավելի քան 300 000 մարդ էր՝ աշխարհի 165 երկրներից: