Նոր Audi A6-ը պրեմիում դասի սեդանի ութերորդ սերունդն է, որում հստակ երևում է Audi-ի դիզայներական նոր ոճը. ուռուցիկ մակերևույթները, հստակ եզրագծերը և թափքի տպավորիչ գծերը ընդգծում են ավտոմոբիլի սպորտային էլեգանտությունը, տեխնոլոգիական առավելությունը և իրականացման բարձր որակը:

Audi A6-ի սրահը առաջադրում է նոր ստանդարտներ ամբողջովին թվային համակարգով կառավարման շնորհիվ: Տակտիլ և ակուստիկ հակադարձ կապով MMI touch response կառավարման համակարգի առանձնահատկությունն է արագ արձագանքումը և ինտուիտիվ ինտերֆեյսը: Ցանցային կառուցվածքները և բազմաթիվ օժանդակ համակարգերը վարորդի համար ապահովում են կառավարման անվտանգություն և հարմարություն: Նոր Audi A6-ը ցուցաբերում է գերազանց կառավարելիություն և կոմպակտ մեքենաներին բնորոշ անհավանական շարժունակություն: Դրանում կարևոր դեր է խաղում անիվների կառավարման նոր դինամիկ համակարգը, որը հնարավորություն է տալիս միավորելու սպորտային կառավարելիությունը գերազանց կայունության հետ և 1,1 մ-ով նվազեցնելու սեդանի շրջադարձի շառավիղը:

Եվրոպական շուկա դուրս գալու պահին նոր Audi A6-ը համալրված կլինի բարձր արդյունավետությամբ երկու շարժիչներով՝ 3.0 TFSI 340 ձ.ու. հզորությամբ և 3.0 TDI 286 ձ.ու. հզորությամբ: Բոլոր շարժիչների ստանդարտ լրակազմերը սարքավորված են հարմարավետություն և խնայողություն ապահովող mild hybrid համակարգով: Նոր Audi A6-ը Գերմանիայի շուկայում կհայտնվի 2018 թվականի հունիսին: